سونے کی قیمتوں میں مسلسل اضافے کا سلسلہ جاری، آج بھی ہزاروں روپے مہنگا

کراچی: عالمی ومقامی مارکیٹوں میں سونے کی قیمتوں میں مسلسل اضافے کا سلسلہ جاری ہےجبکہ آج بھی ہزاروں روپے کا اضافہ ریکارڈ کیا گیا ہے۔

آل پاکستان جیمزاینڈجیولرزایسوسی ایشن کےمطابق کاروباری ہفتے کے دوسرے روز پاکستان میں فی تولہ سونا 3400 روپےمہنگا ہوکر 539962 روپے کا ہوگیا۔

ایسوسی ایشن کے مطابق اسی طرح 10 گرام سونے کی قیمت میں 2915 روپے کااضافہ ہواہے جس کے بعددس گرام سونا 462930 روپےکاہوگیاہے۔

علاوہ ازاں چاندی کی فی تولہ قیمت 192 روپے بڑھ کر 9286روپے ہو گئی۔ 

دوسری جانب عالمی بلین مارکیٹ میں سونا34 ڈالرفی اونس مہنگاہوکر 5172ڈالرکی سطح تک پہنچ گیاہے۔  

واضح رہے کہ گزشتہ روز عالمی مارکیٹ میں سونا 30ڈالر مہنگاہوکر5138ڈالرفی اونس اورمقامی مارکیٹ میں فی تولہ سونا3ہزار روپے مہنگاہوکر5لاکھ 36ہزار 562روپے پر پہنچ گیاتھا۔