وزیر اعظم سرکاری دورے پر سعودیہ روانہ، ولی عہد سے ملاقات اور علاقائی صورتحال پر تبادلہ خیال ہونگا

اسلام آباد: وزیراعظم محمد شہباز شریف آج چند گھنٹوں کے سرکاری دورے پر سعودی عرب پر روانہ ہوگئے،جہاںوزیراعظم سعودی عرب کے ولی عہد و وزیراعظم، شہزادہ محمد بن سلمان بن عبدالعزیز آل سعود کی دعوت پر سعودی عرب کا دورہ کررہے ہیں۔

تفصیلات کے مطابق وزیراعظم محمد شہباز شریف سعودی ولی عہد و وزیراعظم شہزادہ محمد بن سلمان بن عبدالعزیز آل سعود سے ملاقات کریں گے۔

ملاقات میں خطے میں جاری کشیدگی اور علاقائی سکیورٹی کی صورتحال اور دونوں ممالک کے مابین باہمی تعلقات پر تبادلہ خیال ہوگا۔

اس دورہ سے پاکستان کا سفارتی میدان میں مثبت کردار واضح ہورہا ہے اور پاکستان یہ کردار ادا کرتا رہے گا۔