اسحاق ڈار کا عمانی وزیر خارجہ سے رابطہ،خطے کی بدلتی ہوئی صورتحال پر تبادلۂ خیال کیا

اسلام آباد:نائب وزیرِ اعظم محمد اسحاق ڈار اور عمان کے وزیرِ خارجہ بدر بن حماد البوسیدی کے مابین ٹیلیفونک گفتگو ہوئی ہے۔

ترجمان دفتر خارجہ کے مطابق دونوں رہنماؤں نے مشرقِ وسطیٰ اور وسیع تر خطے میں پیدا ہونے والی سنگین اور بدلتی ہوئی صورتحال پر تبادلۂ خیال کیا۔

ترجمان مزید بتایا کہ محمد اسحاق ڈار نے خطے میں مکالمے کے فروغ اور کشیدگی کم کرنے کے لیے عمان کے تعمیری اور اصولی کردار کو سراہا،انہوں نے حالیہ حملوں کے تناظر میں اومان اور اس کے عوام کے ساتھ یکجہتی کا اظہار بھی کیا۔

ترجمان دفترخارجہ کے مطابق نائب وزیرِ اعظم نے سفارتکاری کے ذریعے کشیدگی میں کمی پر زور دیا۔

انہوں نے خطے اور اس سے باہر امن و استحکام کے فروغ اور تناؤ میں کمی کے لیے تمام کوششوں کی پاکستان کی جانب سے مسلسل حمایت کا اعادہ کیا۔