ایران کے میزائل حملے جاری،اسرائیل اور امریکا کے اڈوں پر بمباری، عراق میں امریکی طیارہ کر گرہ تباہ

تہران: امریکی و اسرائیلی جارحیت کے جواب میں ایران کی بھرپور جوابی کارروائیاں کرتے ہوئے اسرائیلی دارالحکومت تل ابیب اورخطے میں موجود امریکی فوجی اڈوں پر میزائلوں کی بارش کر دی،جبکہ عراق میں ایرانی حمایت یافتہ جنگجوؤں نے امریکی ریفولنگ جیٹ سی 135 مار گرایا جس کے نتیجے میں طیارے میں سوار تمام امریکی فوجی ہلاک ہو گئے۔

غیر ملکی میڈیا حکام کے مطابق اسرائیل پر ایران کے حالیہ میزائل حملوںکے بعد بن گوریان ایئرپورٹ پر افراتفری مچ گئی، افراتفری کے دوران ایئرپورٹ پر موجود افراد نے کاؤنٹر پر کھڑے عملے سے ہاتھا پائی کی اور چیزیں پھینکی، جواب میں عملے نے بھی چیزیں پھینکنا شروع کر دیں۔

جبکہ اسرائیل پر میزائل حملوں سے دارالحکومت تل ابیب اور دوسرے شہروں میں سائرین کی آوزیںگھونجنے لگ گئیں،ایرانی میزائل حملوں کے نتیجے میں 200 سے زائد اسرائیلی شہید زخمی ہو گئے۔

لبنان پر صیہونی فورسز کی تباہ کن بمباری، مزید 8 افراد جاں بحق

لبنان پر اسرائیلی فورسز کے حملوں میں رات سے اب تک 8 افراد جاں بحق ہوگئے جبکہ 2 مارچ سے جاری حملوں میں جاں بحق افراد کی مجموعی تعداد 687 ہوگئی جن میں 90 سے زائد بچے بھی شامل ہیں۔

اسرائیل نے لبنان کے ساتھ ساتھ ایران پر بھی وسیع پیمانے پر نئے حملے شروع کر دیے، رات گئے تہران اور دیگر شہروں میں دھماکے سنے گئے۔

دوسری جانب عراق میں امریکی فوج کا ریفیولنگ طیارہ سی 135 ایندھن بھرنے کے دوران گر کر تباہ ہو گیا جس کے نتیجے میں سوار تمام امریکی فوجی ہلاک ہو گئے۔

عرااق میں امریکی طیارہ گر کر تباہ ہونے پر ایرانی فوج نے رد عمل دیتے ہوئے دعویٰ کیا ہے کہ امریکا کا ری فیولنگ طیارہ عراقی مزاحمتی فورسز نے مار گرایا اور طیارے میں سوار تمام اہلکار ہلاک ہوگئے۔

قبل ازیں امریکی سینٹرل کمانڈ نے بھی مغربی عراق میں امریکی طیارہ گرنے کی تصدیق کرتے ہوئے کہا تھا کہ ایندھن بھرنے والے طیارہ کے سی 135 مغربی عراق میں گرا اور دوسرا بحفاظت لینڈ کر گیا۔

علاوہ ازاں ایرانی پاسدارانِ انقلاب کے مطابق حملے بحرین کے دارالحکومت منامہ کے علاقے مینا سلمان میں قائم امریکی بحری اڈے پر کیا گیا، حملوں میں بیس کی مختلف تنصیبات کو نشانہ بنایا گیا جن میں اینٹی ڈرون دفاعی نظام، ڈرونز کی اسٹوریج اور مرمت کے مراکز، سپورٹ آلات اور فیول ٹینکس شامل ہیں۔

پاسدارانِ انقلاب کا کہنا ہے کہ حملوں میں امریکی فوجی تنصیبات کو نقصان پہنچا ہے تاہم اس حوالے سے امریکی حکام کی جانب سے تاحال کوئی باضابطہ ردعمل سامنے نہیں آیا۔

دوسری جانب یونیسف نے کہا ہے کہ جنگ کے آغاز سے اب تک خطے میں 1100 سے زائد بچے لقمہ اجل بنے یا زخمی ہوچکے، ان میں 200 بچے ایران، 91 لبنان، 4 اسرائیل اور ایک بچہ کویت میں مارا گیا۔