افغان وزارت دفاع کا پاکستان کی کچھ چوکیوں پرقبضےاورنقصان پہنچانےکادعوی من گھڑت قرار 

اسلام آباد: افغان طالبان رجیم کی نام نہاد وزارت دفاع کا بے بنیاد جھوٹ و پراپیگنڈاایک مرتبہ پھر سے بے نقاب ہوگیا،وفاقی وزارت اطلاعات و نشریات نے طالبان رجیم کے نام نہاد افغان وزارت دفاع کا پاکستان کی کچھ چوکیوں پرقبضےاورنقصان پہنچانےکادعوی من گھڑت قرار دے دیا۔

تفصیلات کے مطابق وفاقی وزارت اطلاعات و نشریات افغان طالبان اور انکی پراکسی فتنہ الخوارج کے نقصانات پر بروقت و باقاعدگی سے پیش کر رہی ہے۔ جہاں ضروری ہو، وہاں ساتھ تصاویر اور ویڈیو بھی میڈیا کو فراہم کی جارہی ہے اور افغان طالبان رجیم کی طرح جھوٹے پراپیگنڈے کا سہارا نہیں لیا جا رہا۔

🔎 Fact Check | Ministry of Information & Broadcasting

◼️ This latest claim of the so called Ministry of Defence of Afghan Taliban Regime regarding capturing some post and made up damages etc is false as always, fabricated and designed to mislead Afghan internal public opinion,… pic.twitter.com/bjmsdskN7q

— Fact Checker MoIB (@FactCheckerMoIB) March 14, 2026

افغان طالبان رجیم کی جانب سے پاکستانی پوسٹوں پر قبضوں کے دعووں اور نقصانات کے پیش کردہ اعشاریوں میں بالکل بھی صداقت نہیں۔

یہ افغان عوام کو بے وقوف بنانے کیلئے گھڑی گئی جھوٹی کہانیاں ہیں جو پہلے سے ہی دہشتگردوں کی پشت پناہی کرنے والے افغان طالبان رجیم کی وجہ سے تکلیفیں اٹھارہی ہے۔

بیان کے مطابق افغانستان کے اندر دہشتگردوں کے ٹھکانوں کو نشانہ بنانے کی مصدقہ اطلاعات کو میڈیا کو براقت فراہم کیا جارہا ہے۔

جاری بیان میں مزید کہا گیا ہے کہ افغانستان طالبان رجیم کے بار بار کئے جانے والے جھوٹے دعوے ایک دیوانے کا خواب ہیں جو صرف افغان طالبان رجیم اور بھارتی سوشل میڈیا اکاؤنٹس پر موجود ہیں اور حقیقت سے انکا کوئی تعلق نہیں۔