تربت:فرنٹیئر کور بلوچستان کی جانب سے شہریوں کیلئے عوامی افطار کا اہتمام

تربت:فرنٹیئر کور بلوچستان کی جانب سے شہریوں کے لیے عوامی افطار کا اہتمام کیا گیا۔ اس موقع پر مکران اسکاوٹس نے تھرمامیٹر چوک تربت میں اجتماعی افطار کا انعقاد کیا جس میں مختلف طبقات سے تعلق رکھنے والے افراد نے شرکت کی۔

عوامی افطار میں مزدور، دکاندار اور تاجر برادری سمیت شہریوں کی بڑی تعداد شریک ہوئی جبکہ کمانڈنٹ مکران اسکاوٹس نے بھی شہریوں کے ساتھ افطار کیا۔

تقریب کے دوران مکران اسکاوٹس کے جوانوں اور شہریوں کے درمیان خوشگوار اور دوستانہ ماحول دیکھنے میں آیا۔

مقامی افراد نے اس اقدام کو سراہتے ہوئے اسے عوام اور سیکیورٹی فورسز کے درمیان اعتماد کے فروغ کی مثبت مثال قرار دیا۔