وفاقی حکومت نے عید الفطر کی چھٹیوں کا اعلان کردیا

اسلام آباد: وفاقی حکومت نے کابینہ ڈویژن اور وزیر اعظم شہباز شریف کی منظوری کے بعد عید کی چھٹیوں کا اعلان کر دیا ہے۔

اس حوالے سے کابینہ ڈویژن کی جانب سے عید الفطر کی تعطیلات کا نوٹیفکیشن جاری کر دیا گیا ہے۔

جاری کر دہ نوٹیفکیشن کے مطابق  20 اور 21 مارچ (بروزجمعہ اور ہفتہ) عید الفطر کی 2 سرکاری تعطیلات ہوں گی، جبکہ اتوار 22 مارچ کی پہلے ہی چھٹی ہوتی ہے۔

جبکہ اس سے اگلے روز یعنی سوموار کو پہلے ہی 23 مارچ کی وجہ سے عام تعطیل ہو گی۔

نوٹیفکیشن میں کہا گیا ہے کہ ملک بھر کے سرکاری دفاتر دونوں دنوں کے دوران بند رہیں گے تاکہ اہلکار اور ملازمین عیدالفطر اپنے اہل خانہ کے ساتھ خوشی کے ساتھ منا سکیں۔

حکومت نے عوام اور سرکاری دفاتر کو ہدایت دی ہے کہ تعطیلات کے دوران ضروری انتظامات برقرار رکھے جائیں اور عوامی سہولت کے امور متاثر نہ ہوں۔

خیال رہے کہ حکومت کی جانب سےیہ تعطیلات ہر سال کی طرح ملک بھر میں عید کے تہوار کو خوش اسلوبی سے منانے اور اہلکاروں کو عید کے موقع پر آرام فراہم کرنے کے لیے دی گئی ہیں۔