پاسدارانِ انقلاب نے دوبھارتی جہازوں کو آبنائے ہرمز عبور کرنے سے روک دیا،مودی سرکار کی تصدیق

نئی دہلی:ایران کے پاسدارانِ انقلاب نے اصول ضوابط کی خلاف ورزی کر کے آبنائے ہرمز عبور کرنے کی کوشش کرنے والے دو بھارتی جہازوں پر فائرنگ کر دی جس کےنتیجے میں دونوں جہاز واپس پلٹ گئے۔

میڈیا رپورٹس کے مطابق ہفتے کے روز ایرانی گن بوٹس نے آبنائے ہرمز سے گزرنے والے دو بھارتی بحری جہازوں کو روکا اور ان پر فائرنگ کی، جس کی وجہ سے انہیں واپس لوٹنا پڑا،، تاہم واقعے میں کوئی جانی یا مالی نقصان نہیں ہوا

دوسری جانب بھارتی حکومتی کی جانب سے اس واقعے کی تصدیق کر دی گئی ہے۔ بھارت نے اس واقعے پر ایران سے احتجاج کرتے ہوئے بحری جہازوں اور عملے کی حفاظت یقینی بنانے کا مطالبہ کیا ہے۔

بیان میں مزید کہا گیا ہے کہ ہمارے تیل بردار بحری جہازوں کو ہفتے کے روز نشانہ بنایا گیا جس پر نئی دہلی میں تعینات ایران کے سفیر محمد فتح علی کو بھی طلب کیا گیا۔

بھارتی وزارتِ خارجہ کے سیکرٹری وکرم مسری نے ایران کے سفیر محمد فتح علی کو اس واقعے پر حکومت کی شدید تشویش اور غم و غصے سے آگاہ کیا۔

رپورٹس کے مطابق بھارتی سیکریٹری خارجہ نے ایران سے بھارتی جہازوں کی محفوظ آمد و رفت کے لیے اقدامات درخواست کی، جس پرایرانی سفیر نے بھارت کے تحفظات ایرانی حکومت تک پہنچانے کی یقین دہائی کرائی ہے۔

خیال رہے کہ امریکی بحریہ کی جانب سے ایرانی بندرگاہوں کو جانے اور آنے والے جہازوں کی ناکہ بندی کے بعدایران کی سینٹرل ملٹری کمانڈ نے ہفتے کی صبح امریکی بحری ناکہ بندی کے جواب میں آبنائے ہرمز دوبارہ بند کرنے کا اعلان کر دیا۔