بین الاقوامی اسلامی یونیورسٹی اسلام آباد کے امتحانات ملتوی، کلاسز آن لائن ہونگی

اسلام آباد:وفاقی دارالحکومت کی بین الاقوامی اسلامی یونیورسٹی (آئی آئی یو)کے 20 اور 21 اپریل کو ہونے والے مڈٹرم امتحانات ملتوی کر دیئے گئے۔

اس حوالے سے یونیورسٹی انتظامیہ کی جانب سے نوٹیفکیشن جاری کردہ گیا ہے۔
جاری کردہ نوٹیفکیشن کے مطابق یونیورسٹی میں 20 اور 21 اپریل کو ہونے والے مڈٹرم کے امتحانات ملتوی کر دیئے گئے ہیں جبکہ یونیورسٹی کی 20 سے 24 اپریل تک تمام کلاسز بھی آن لائن ہوں گی۔

علاوہ ازاں راولپنڈی کی بارانی یونیورسٹی کو 26 اپریل تک بند کر دیا گیا جس کا نوٹیفکیشن بھی جاری کر دیا گیا ہے،نوٹیفکیشن کے مطابق سکیورٹی وجوہات کی بنا پر یونیورسٹی کا مین کیمپس 26 اپریل تک بند رہے گا اور جامعہ میں تدریسی عمل آن لائن ہو گا۔

انتظامیہ کی ہدایت پر ہاسٹلز میں طلبہ کوکمرے فوری خالی کرنے کی ہدایت  جاری کی گئی ہے۔

انتظامیہ کی ہدایت پر ہاسٹلز فوری خالی کرنے کی ہدایت جاری کی گئی ہے جبکہ اساتذہ اور اسٹاف ممبران کو گھروں سے کام کرنے کی ہدایت کر دی گئی۔