ٹرمپ نے نیتن یاہو کے کہنے پر امریکی فوجیوں کو جنگ میں دھکیلا،کملا ہیرس کا الزام

واشنگٹن ڈی سی:سابق نائب امریکی صدر کملا ہیرس نے الزام عائد کہا ہے کہ ٹرمپ نے نیتن یاہو کے کہنے پر امریکی فوجیوں کو جنگ میں دھکیلا۔

غیر ملکی میڈیا رپورٹس کے مطابق کملا ہیرس نے سابق امریکی صدر ڈونلڈ ٹرمپ پر سنگین الزامات عائد کرتے ہوئے کہا ہے کہ انہوں نے بنیامین نیتن یاہو کے کہنے پر امریکی فوجیوں کو جنگ میں دھکیلا۔

اپنے بیان میں کملا ہیرس کا کہنا تھا کہ ایران کے ساتھ جنگ کا فیصلہ امریکی عوام کی خواہشات کے برعکس ہے اور اس سے امریکی فوجیوں کی جانیں خطرے میں پڑ گئی ہیں۔

انہوں نے مزید کہا کہ یہ جنگ ایسی ہے جس میں عوام کی کوئی دلچسپی نہیں، مگر اس کے باوجود امریکہ کو اس میں شامل کر دیا گیا، انہوں نے کہا کہ اس فیصلے کے نتیجے میں امریکی فوجیوں کی جانوں کو شدید خطرات لاحق ہوئے۔

سابق امریکی نائب صدر نے مزید کہا کہ خارجہ پالیسی کے ایسے فیصلے نہ صرف خطے بلکہ خود امریکا کے لیے بھی سنگین نتائج کا باعث بن سکتے ہیں۔