سونے کی قیمتوں میں گراوٹ کا سلسلہ جاری،آج بھی ہزروں روپے سستا

کراچی: عالمی و مقامی مارکیٹوںمیں سونے کی قیمتوں میں کمی کا سلسلہ بدستور جاری ہےجس کے بعد سونا مزید سستا ہوگیا۔

آل پاکستان جیمزاینڈ جیولرز ایسوسی ایشن کے مطابق کاروباری ہفتے کے آخری روزملک میں سونے اور چاندی کی قیمتوں میں مزید ہزاروں روپے کی بڑی کمی ہوئی ہے، جس کے بعد پاکستان میں فی تولہ سونے کی قیمت 5 لاکھ روپے سے مزید نیچے آگئی ہے۔

مقامی صرافہ مارکیٹ میں فی تولہ سونے کی قیمت میں  2900 روپے کی کمی ریکارڈ کی گئی ہے جس کے بعد سونے کی نئی قیمت کم ہو کر  4لاکھ 90 ہزار 862 روپے ہو گئی ہے۔ 

ایسوسی ایشن کے مطابق اسی طرح اور 10 گرام سونے کی قیمت 2486 روپے گھٹ کر 4 لاکھ 20 ہزار 835 روپے کی سطح پر آگئی۔

دوسری جانب عالمی بلین مارکیٹ میں 29 ڈالر کی کمی سے فی اونس سونا 4685 ڈالر پر آگیا ہے۔

خیال رہے کہ عالمی سطح پر بھی حالیہ دنوں کے دوران سونے کی قیمتوں میں کمی کا رجحان دیکھا گیا ہے، جس کے اثرات پاکستان سمیت دیگر ممالک کی مارکیٹوں پر پڑ رہے ہیں۔