دورہ عمان مکمل کرنے کے بعد عباس عراقچی دوبارہ پاکستان پہنچ گئے

اسلام آباد: ایرانی وزیر خارجہ عباس عراقچی دورۂ مسقط مکمل کرنے کے بعد دوبارہ اسلام آباد پہنچ گئے۔

ایرانی میڈیا رپورٹس کے مطابق عباس عراقچی سلطنتِ عمان کے دورے کے بعد براہِ راست ماسکو روانہ ہونے کے بجائے پاکستان واپس آئے ہیں اور دورۂ پاکستان کے بعد روس جائیں گے۔ 

ذرائع کا کہنا ہے کہ ایرانی وزیر خارجہ کا طیارہ بھی تہران سے اسلام آباد پہنچ رہا ہے، جبکہ وہ چند گھنٹے قیام کے بعد ماسکو روانہ ہوں گے۔

خیال رہے کہ اس سے قبل بھی عباس عراقچی مذاکرات کے حوالے مشاورت کیلئے اسلام آباد پہنچے تھے جہاں انہوں نے آرمی چیف، فیلڈ مارشل سید عاصم منیر ،وزیر اعظم شہبازشریف، وزیرخارجہ اسحاق ڈار سمیت دیگر اعلی پاکستانی حکا م سے ملاقاتیں کیں تھیں۔

ملاقاتوں میں انہوں نے پاکستان کی جانب سے قیامِ امن کے لیے کی جانے والی کوششوں کو سراہااور دورۂ پاکستان کو نہایت سودمند قرار دیا تھا۔

انہوں نے کہا تھا کہ ایران نے جنگ کے مستقل خاتمے کے لیے قابلِ عمل فریم ورک سے متعلق اپنا مؤقف پیش کیا ہے، جبکہ یہ بھی دیکھنا ہوگا کہ امریکا سفارت کاری کے حوالے سے کس حد تک سنجیدہ ہے۔