صدر ِ مملکت نے چینی پروفیسر پان ژیانگ بن کو ستارۂ پاکستان کے اعزاز سے نواز دیا
پروفیسر پان ژیانگ بن انٹروینشنل کارڈیالوجسٹ اور کارڈیک سرجن ہیں۔پان ژیانگ بن فو وائی ہسپتال، چائنیز اکیڈمی آف میڈیکل سائنسز کے نائب صدرہیں


چانگشا: صدر آصف علی زرداری نے پروفیسر پان ژیانگ بن کو ستارۂ پاکستان کے اعزاز سے نواز دیا۔
تفصیلات کے مطابق اس سلسلے میں چین کے صوبے ہونان کے شہر چانگشا میں خصوصی تقریبِ اعزاز کا انعقاد کیا گیا،جس میں پروفیسر پان ژیانگ بن کو شعبہ امراضِ قلب میں نمایاں خدمات کے اعتراف میں اعزاز سے نوازا گیا۔پروفیسر پان ژیانگ نے پاکستان میں مریضوں کو علاج معالجے کی سہولیات کی فراہمی کیلئے نمایاں کام کیا ہے۔
پروفیسر پان ژیانگ بن انٹروینشنل کارڈیالوجسٹ اور کارڈیک سرجن ہیں۔پان ژیانگ بن فو وائی ہسپتال، چائنیز اکیڈمی آف میڈیکل سائنسز کے نائب صدرہیں۔ پان ژیانگ بن نیشنل انٹروینشنل کوالٹی کنٹرول سینٹر برائے اسٹرکچرل ہارٹ ڈیزیز کے ڈائریکٹر بھی ہیں۔
عالمی سطح پر تسلیم شدہ ماہر پروفیسر پان ژیانگ بن کا جدید تشخیصی و علاجی ٹیکنالوجیز کی ترقی میں قائدانہ کردار ہے۔پان ژیانگ کے نام متعدد عالمی سطح کی اولین طبی ایجادات کے پیٹنٹ موجود ہیں۔الٹراساؤنڈ کی مدد سے ایسے طریقۂ علاج، بغیر سرجری کے، شعاعوں کے اثرات سے کئے جاتے ہیں ۔
پروفیسر پان نے جنوری 2025 میں پاکستان کا دورہ کیا تھا۔ پروفیسر پان اور ان کی ٹیم نے پیدائشی دل کے امراض میں مبتلا بچوں کے علاج کیے۔پروفیسر پان اورانکی ٹیم نے پاکستانی طبی ماہرین کو جدید انٹروینشنل تکنیکوں کی خصوصی تربیت بھی فراہم کی۔
صدر آصف علی زرداری نے اس موقع پر کہا کہ پروفیسر پان کی کاوشوں سے پاکستان کے شعبۂ صحت کی استعداد میں اضافہ ہوا۔ پروفیسر پان کی کاوشوں سے شعبۂ صحت میں بہتری پاک چین تعاون کے عملی فوائد کی عکاس ہے۔
تقریب میں سینیٹر سلیم مانڈوی والا، سندھ کے سینئر وزیر شرجیل میمن، پاکستان میں چین کے سفیر جیانگ زیڈ ونگ اور چین میں پاکستان کے سفیر خلیل ہاشمی سمیت دیگر حکام نے شرکت کی۔

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 10 days ago

پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر
- 12 days ago

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 10 days ago

پشاور میں نادرا کا اسسٹنٹ ڈائریکٹر فائرنگ سے جاں بحق
- 12 days ago

ڈی جی آئی ایس پی آر کی لاہور کی جامعات آمد، طلبہ سے خصوصی نشستیں
- 11 days ago

پولیس افسران کی ترقیوں کے خلاف پنجاب حکومت کی اپیلیں خارج
- 11 days ago

راولپنڈی: گھر سے خاتون اینکر ربیعہ احسن کی گولی لگی لاش برآمد
- 10 days ago

انڈر 19 ایشیا کپ: پاکستان نے بھارت کو 3 وکٹ سے شکست دے دی
- 10 days ago

پیٹرول اور ڈیزل کی قیمتوں میں کمی کا اعلان
- 13 days ago

پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا
- 11 days ago

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی
- 11 days ago
پہلے ایل پی جی اوراب بجلی بم گرا دیا گیا
- 11 days ago



