پی ایف یو سی کے زیر اہتمام معرکہ حق کے حوالے سے تصویری نمائش کا انعقاد،اسپیکر ملک احمد خان کی بطور مہمانِ خصوصی شرکت

لاہور: ہفتے کے روز پاکستان فیڈرل یونین آف کالمسٹس (PFUC) کے زیرِ اہتمام پنجاب انسٹیٹیوٹ آف لینگویج، آرٹ اینڈ کلچر (PILAC) میں ’’معرکۂ حق‘‘ کی پہلی سالگرہ کے موقع پر ایک تصویری نمائش کا انعقاد کیا گیا۔ پنجاب اسمبلی کے اسپیکر ملک محمد احمد خان نے بطور مہمانِ خصوصی نمائش کا افتتاح کیا۔

تقریب میں سیاسی شخصیات، صحافیوں، ماہرینِ تعلیم، سول سوسائٹی کے نمائندوں اور طلبہ کی بڑی تعداد نے شرکت کی۔ اس موقع پر دی یونیورسٹی آف لاہور (UOL) کے چیئرمین اویس رؤف، PFUC کے چیئرمین فرخ شہباز وڑائچ، صوبائی وزیرِ تعلیم رانا سکندر حیات، سینئر صحافی سلمان غنی، نجم ولی خان اور ایثار رانا بھی موجود تھے۔

تقریب میں ARAR گروپ آف کمپنیز کے سی ای او ہمایوں سرور، چیزیئس کے سی ای او عمران اعجاز، چلتن پیور پاکستان کے سی ای او نجم مزاری، شمائلہ رانا، عظمیٰ کاردار، سید حسن مرتضیٰ، جواد احمد، سینئر اداکار رشید محمود، بریگیڈیئر (ر) نادر میر، بریگیڈیئر (ر) سید غضنفر علی سمیت سول سوسائٹی کے اراکین، طلبہ اور زندگی کے مختلف شعبہ ہائے فکر سے تعلق رکھنے والے افراد نے بھی شرکت کی۔

طلبہ نے اس موقع پر ایسی فن پاروں اور پینٹنگز کی نمائش کی جن میں پاکستان اور بھارت کے درمیان کشیدگی اور محاذ آرائی سے جڑے واقعات کی عکاسی کی گئی تھی، جبکہ مسلح افواج اور ریاستی اداروں کو خراجِ تحسین بھی پیش کیا گیا۔