ون ڈے سیریز : پاکستان کا آسٹریلیا کے خلاف ٹاس جیت کر باؤلنگ کرنے کا فیصلہ

روالپنڈی: آسٹریلیا کے خلاف جاری تین ایک روز ہ میچوں کی سیریز کے پہلے میچ میں پاکستان نے ٹاس جیت کر پہلے باؤلنگ کرنے کا فیصلہ کیا ہے۔

تفصیلات کے مطابق راولپنڈی کرکٹ اسٹیڈیم میں کھیلے جانے والے سیریز کے پہلے میچ میں پاکستان نے ٹاس جیت کر مہمان آسٹریلیا ٹیم کو پہلے بلے بازی کرنے کی دعوت دی ہے۔

پاکستان کی ٹیم کی قیادت شاہین آفریدی کررہے ہیں جبکہ صاحبزادہ فرحان اور معاذصداقت اوپننگ کریں گے۔جبکہ آسٹریلوی ٹیم کی قیادت مچل مارش کی جگہ جوش انگلس کر رہے ہیں۔

آسٹریلوی کپتان ٹخنے کی انجری کے باعث اسکواڈ سے باہر ہو چکے ہیں اور ان کی جگہ کوپر کنولی کو آسٹریلوی اسکواڈ میں شامل کر لیا گیا ہے۔

ان کے علاوہ 11 رکنی اسکواڈ میں بابراعظم، غازی غوری، سلمان علی آغا اور عبد الصمد شامل ہیں جبکہ شاداب خان، حارث رؤف اور ابراراحمد بھی شامل ہیں، نوجوان کھلاڑی عرفات منہاس ڈیبیو کررہے ہیں۔