بھارتی فوج کا ہیلی کاپٹر گر کر تباہ

بھارتی میڈیا کے مطابق بھارتی فوج کا ہیلی کاپٹر صبح دس بجے روانہ ہوا تھا ،  ہیلی کاپٹر رنجیت ساگر ڈیم  کے علاقے میں نچلی پرواز کر رہا تھا جہاں وہ حادثے کا شکار ہوگیا ۔   رنجیت ساگر ڈیم  پنجاب کے پٹھان کوٹ سے 30 کلومیٹر دور واقع ہے ۔   واقعے میں کسی جانی نقصان کی اطلاع موصول نہیں ہوئی ۔ بھارتی میڈیا کے مطابق   امدادی کاموں کا آغاز کردیا گیا ہے ۔

اس سے قبل جنوری میں جموں کشمیر پنجاب سرحد کے قریب کٹھوعہ ضلع لکھن پور میں بھارتی فوج کا ہیلی کاپٹر گر کر تباہ ہونے کے بعد ایک پائلٹ ہلاک ہوگیا تھا ۔  ایچ اے ایل دھرو ہیلی کاپٹر تکنیکی خرابی کے بعد گر کر تباہ ہوا تھا ۔