سونے کی قیمت میں حیران کن کمی، گزشتہ دوروز میں کئی ہزار روپے سستا

کراچی : عالمی ومقامی مارکیٹوں میں گزشتہ دو روز کے دوران سونے کی قیمت میں نمایاں کمی ریکارڈ کی گئی ہے۔

آل پاکستان جیمز اینڈ جیولرز ایسوسی ایشن کے مطابق آج جمعرات کے روز مقامی مارکیٹوں میں سونے کی فی تولہ قیمت میں 9 ہزار 720 روپے کمی ہونے سے نئی قیمت 4 لاکھ 32 ہزار 716 روپے تولہ ہو گئی ہے۔

ایسوسی ایشن کے مطابق اسی طرح 10 گرام سونے کی قیمت میں 8 ہزار 748 روپے کی کمی ہوئی، جس کے بعد اس کی نئی قیمت 3 لاکھ 69 ہزار 422 روپے ہو گئی ہے۔

دوسری جانب عالمی بلین مارکیٹ میں فی اونس سونے کی قیمت مزید 97ڈالر 20سینٹس کی کمی سے 4ہزار 102ڈالر ہو گئی ہے۔

خیال رہے کہ گزشتہ روز سونا 12 ہزار 627 روپے سستا ہو ا تھا ، دو دن میں سونے کی قیمت میں 22 ہزار 347 روپے کی بڑی کمی ہو گئی۔

ماہرین کے مطابق عالمی مارکیٹ میں سونے کی قیمتوں میں اتار چڑھاؤ اور ڈالر کی قدر میں تبدیلی مقامی مارکیٹ میں سونے کے نرخوں پر اثرانداز ہو رہی ہے۔ سونے کی قیمت میں حالیہ کمی کے بعد خریداروں اور سرمایہ کاروں کی توجہ دوبارہ مارکیٹ کی جانب مبذول ہونے کا امکان ہے۔