ایرانی صدر مسعود پزشکیان نے اسلام آباد مفاہمتی یادداشت کی تفصیلات سوشل میڈیا پر جاری کردیں

تہران: ایرانی صدر ڈاکٹر مسعود پزشکیان نے اسلام آباد مفاہمتی یادداشت کی تفصیلات سوشل میڈیا پر جاری کر دیں۔

تفصیلات کے مطابق جنگ بندی فوری نافذ العمل ہوگی جبکہ جنگ بندی میں لبنان بھی شامل ہوگا۔ یادداشت کے تحت فوجی طاقت کا استعمال نہیں ہوگا۔حتمی معاہدے میں لبنان سمیت مستقل جنگ بندی کی تصدیق کی جائے گی جبکہ علاقائی خودمختاری کا احترام کیا جائے گا اور اندرونی معاملات میں مداخلت نہیں ہوگی۔

اسی طرح سمندری ٹریفک کو جنگ سے پہلے کی حالت میں بحال کیا جائے گا جبکہ امریکہ 30 روز میں فوج واپس بلا لے گا۔اسلام آباد مفاہمتی یادداشت کے مطابق امریکہ علاقائی شراکت داروں کے ساتھ مل کر ایران کی تعمیر نو کے لیے 300 ارب ڈالر کا منصوبہ دے گا۔

این یک سند تاریخی و پیامی از ایران مقتدر است: صلح در سایه احترام متقابل تحقق خواهد یافت.

جمهوری اسلامی ایران به صلح جهانی با حفظ عزت و استقلال، پیشرفت و همکاری منطقه‌ای همواره متعهد و پایبند است. pic.twitter.com/FgbeHSioKX

— Masoud Pezeshkian (@drpezeshkian) June 18, 2026

تفصیلات کے مطابق فریقین کا یورینیم افزودگی اور ایران کے جوہری معاملے پر مزید بات چیت پر بھی اتفاق ہوا ہے۔

دوسری جانب گزشتہ روز وزیراعظم پاکستان شہباز شریف اور ایران کے صدر مسعود پزشکیان کے درمیان ٹیلی فونک رابطہ ہوا تھا جس میں دونوں رہنماؤں نے مختلف امور پر تفصیلی گفتگو کی۔ 

یہ رابطہ معاہدے پر دستخط کے بعد دونوں رہنماؤں کے درمیان پہلا باضابطہ رابطہ تھا، جس میں وزیراعظم نے ایرانی صدر کو امن معاہدے پر دستخط کی مبارک باد بھی دی۔