سابق قومی کرکٹر کے گھر افسوسناک حادثہ، 10 ماہ کی بیٹی زندگی کی بازی ہار گئی

ویب ڈیسک: پاکستان کے سابق ٹیسٹ کرکٹر محمد خلیل کے گھر افسوسناک واقعہ پیش آیا ہے، جہاں ان کی 10 ماہ کی بیٹی کرنٹ لگنے سے جاں بحق ہوگئی۔

محمد خلیل نے اس افسوسناک خبر کی تصدیق کرتے ہوئے بتایا کہ ان کی کمسن بیٹی کرنٹ لگنے کے باعث انتقال کرگئی۔

سابق ٹیسٹ کرکٹر کے مطابق انہیں اس حادثے کی اطلاع اس وقت ملی جب وہ امریکا میں موجود تھے، جس کے بعد وہ فوری طور پر پاکستان واپس روانہ ہوگئے۔

محمد خلیل نے بتایا کہ یہ ایک انتہائی افسوسناک اور غیر متوقع حادثہ تھا، جس نے پورے خاندان کو گہرے صدمے سے دوچار کردیا ہے۔

واقعے کی خبر سامنے آنے کے بعد کرکٹ حلقوں اور مداحوں کی جانب سے محمد خلیل اور ان کے اہل خانہ سے تعزیت کا اظہار کیا جا رہا ہے۔