لاہور میں جشن آزادی اسنوکر رینکنگ ٹورنامنٹ، شوبز شخصیات کی شرکت

عبدالسلام علی سے 

لاہور: لاہور پریس کلب سپورٹس کمیٹی اور سی جے ایف پی کے زیر اہتمام جشن آزادی سنوکر رینکنگ ٹورنامنٹ اختتام پذیر،حافظ عمران نے میلہ لوٹ لیا، فائنل میں حارث منیر  کو دو صفر سے شکست دی۔ فائنل کے مہمان خصوصی انٹرنیشنل فیشن ڈیزائنر محمود بھٹی نے انعامات تقسیم کئے۔

اس موقع پر لاہور پریس کلب کے صدر ارشد انصاری، سیکریٹری افضال طالب، جوائنٹ سیکریڑی عمران شیخ،معروف اداکار نورالحسن (تمغہ امتیاز) حسن مراد، گوشی خان سمیت دیگر بھی موجود تھے۔

اس موقع پر مہمان خصوصی محمود بھٹی کا کہنا تھا کہ لاہور پریس کلب ثقافتی اور سیاسی کے ساتھ ساتھ اب کھیلوں کا بھی مرکز بن گیا ہے صحافیوں کیلئے صحت مندانہ سرگرمیوں کے انعقاد میں میرا تعاون ہمیشہ جاری رہے گا۔

لاہور پریس کلب کے صدر ارشد انصاری نے کہا جشن آزادی کے پرمسرت موقع پر سنوکر ٹورنامنٹ کے انعقاد پر سپورٹس کمیٹی کے چئیرمین عمران شیخ سمیت تمام ممبران مبارکباد کے مستحق ہیں۔ ان کا کہنا تھا کلب ممبران کیلئے کھیلوں کی سرگرمیاں نہایت ضروری ہیں امید ہے سپورٹس کمیٹی سنوکر کے بعد دیگر کھیلوں کے ایونٹس بھی منعقد کرے گی۔