پٹیالہ گھرانے کے نامور گائیک راگا بوائز کی امریکا میں جشن آزادی کے شوز میں شاندار پرفارمنسز

عبدالسلام علی سے 

لاہور: پٹیالہ گھرانے کے نامور غزل گائیک فخر پاکستان استاد حامد علی خاں کے صاحبزادے ، ولی حامد خاں، نایاب خاں اور انعام خاں جو راگا بوائز کے نام سے مشہور ہیں، ان کا بینڈ ملک بلکہ بیرون ملک بھی اپنی منفرد پہچان رکھتا ہے۔

راگا بوائز کے امریکا میں جشن آزادی شوز کا آغاز، لاس اینجلس اور میامی میں ہوا جہاں انہوں نے  شاندار پرفارمنسز پیش کیں،ہال  ہزاروں پاکستانیوں کے پاکستان زندہ باد کے نعروں سے گونج اٹھا ۔

جی این این سے گفتگو میں ولی حامد خاں نے کہا کہ ہمارے شوز میں نہ صرف پاکستانی بلکہ بھارت سے آئے افراد نے بھی بھرپور شرکت کی اور ہمارے ملی نغموں اور گیتوں کو بھرپور سراہا۔