ملک میں سونے کی قیمت میں ہزارں روپے کا مزید اضافہ

کراچی: عالمی و مقامی مارکیٹوں میں پیر کو سونے کی قیمت میں اضافہ ریکارڈ کیا گیا جب کہ چاندی کے نرخ مستحکم رہے۔

عالمی بلین مارکیٹ میں سونا 42 ڈالر کے اضافے سے 4646 ڈالر فی اونس کا ہوگیا۔

بین الاقوامی مارکیٹ میں سونے کے نرخ میں اضافے کے باعث مقامی سطح پر بھی فی تولہ سونا 4200 روپے کے اضافے سے 4 لاکھ 87 ہزار 136 روپے پر جاپہنچا۔

اسی طرح دس گرام سونے کی قیمت بھی 3601 روپے کے اضافے سے 4 لاکھ 17 ہزار 640 روپے ہوگئی۔

یاد رہے کہ ہفتہ کو سونے کی فی تولہ قیمت 5700 روپے کے نمایاں اضافے سے 4 لاکھ 82 ہزار 936 روپے ہوگئی تھی۔

دریں اثنا چاندی کی فی تولہ قیمت 7379 روپے پر مستحکم رہی.