شوہر کے ہاتھوں قتل ہونے والی خاتون کی پوسٹ مارٹم رپورٹ میں نیا انکشاف

راولپنڈی: راولپنڈی میں مبینہ طور پر شوہر کے ہاتھوں قتل کی جانے والی حنا جاوید کی پوسٹ مارٹم رپورٹ سامنے آگئی۔  پوسٹ مارئم مرنےکے 12 گھنٹے کے بعد ڈاکٹر ماریا خالد نےکیا۔

پوسٹ مارٹم رپورٹ میں ابتدائی طور پر مرنے کی وجہ کا واضح تعین نہیں ہو سکا تاہم موت کی وجہ کا تعین کرنےکے لیے لاش سے حاصل سیمپل فارنزک لیب بجھوا دیےگئے ہیں۔

رپورٹ میں کہا گیا ہے کہ 45 سال کی حنا جاوید کی گردن کی ہڈی ٹوٹی ہوئی تھی، مقتولہ کی پسلیوں اور کولہے کی ہڈی پر زخم کے نشان موجود تھے جب کہ مقتولہ کا پیریکارڈیم دل خون سے بھرا ہوا تھا۔

دوسری جانب پولیس کی ڈاکٹر کو فراہم کی جانے والی ابتدائی رپورٹ میں کہا گیا ہے کہ مقتولہ کو خاوندنے پھندہ دےکر لٹکایا۔ 

واضح رہے کہ حنا جاوید کے قتل کا مقتولہ کے بھائی  کی مدعیت میں مقدمہ تھانہ سول لائنز میں درج ہے اور پولیس نےمقتولہ کے خاوند اور گھریلو ملازم کو گرفتارکرکے 3 روز کا جسمانی ریمانڈ حاصل کر رکھا ہے۔