کراچی: اسکول کی خستہ حال دیوارگرنے سے 5 افراد جاں بحق

کراچی: کراچی کے علاقے اورنگی ٹاؤن مومن آباد میں اسکول کی خستہ حال دیوارگرگئی۔

ریسکیو اہلکاروں کے مطابق حادثے میں جاں بحق افراد کی تعداد 5 ہوگئی ہے۔

پولیس حکام کے مطابق جائے حادثہ پر عموماً نشے کے عادی افراد  بیٹھتے تھے جو دیوار سے سریے نکالنے کی کوشش کرتے تھے جس کی وجہ سے دیوار کمزور ہوئی۔

ایس ایس پی ویسٹ کے مطابق دیوار گرنے سے 2 افراد زخمی بھی ہوئے۔

ایس ایس پی ویسٹ کے مطابق گورنمنٹ اسکول کی دیوار گرنے سے سات افراد ملبے تلے دبے تھے، ابتدائی اطلاعات کے مطابق نشئی افراد دیوار سے سریے نکالنےکی کوشش کررہے تھے۔