پاکستان افغانیوں کے حقوق اور سیکیورٹی چاہتا ہے، وزیراعظم

وزیراعظم عمران خان سے ڈینمارک کے وزیراعظم کا  ٹیلیفونک رابطہ ہوا جس میں وزیراعظم نے کا افغانستان مسئلے کے سیاسی حل پر  بھی زور دیا۔

ٹیلیفونک رابطے کے دوران دونوں رہنماؤں نے افغانستان میں بدلتی صورتحال پر گفتگو کی۔

اس موقع پر وزیراعظم نے ڈینمارک کے وزیراعظم کو پاکستانی موقف سے آگاہ کیا  اور کہا کہ پاکستان افغانیوں کے حقوق ، تحفظ اور سیکیورٹی چاہتا ہے۔

وزیراعظم عمران خان نے کابل میں پھنسے سفارتکاروں ، عالمی اداروں کے نمائندگان کو نکالنے کے لیے پاکستانی کردار سے  بھی آگاہ کیا جس پر ڈینمارک کے وزیراعظم نے ڈینمارک کے لوگوں کو نکالنے پر پاکستان سے تشکر کا اظہار کیا۔