کیپٹن کاشف شہید فوجی اعزاز کے ساتھ سپرد خاک

پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق بلوچستان کے علاقے گچک میں شہید  ہونے والے  کیپٹن کاشف  کی نماز جنازہ راولپنڈی میں ادا کردی گئی۔

آئی ایس پی آر کے مطابقشہید کیپٹن کاشف کو فوجی اعزاز کے ساتھ سپرد خاک کیا گیا۔

آئی ایس پی آر کا کہنا ہے کہ آرمی چیف جنرل قمر جاوید باجوہ نے  کیپٹن کاشف شہید کی نماز جنازہ میں شرکت کی جبکہ نماز جنازہ میں شہید کیپٹن کاشف کے عزیز و اقارب سمیت دیگر لوگ بھی شریک ہوئے۔

یاد رہے کہ کیپٹن کاشف گزشتہ رات بلوچستان کے علاقے گچک میں شہید ہوگئے تھے۔ٹوبو کے علاقے میں سیکورٹی فورسز کی گاڑی دہشت گردوں کی نصب کردہ آئی ای ڈی سے ٹکرائی تھی، واقعہ میں کیپٹن کاشف شہید جب کہ دو سپاہی زخمی  بھی ہوئے تھے۔