پارلیمنٹ کا مشترکہ اجلاس 13 ستمبرکو بلانے کا فیصلہ

تفصیلات کے مطابق  اسپیکرقومی اسمبلی اسد قیصر سے وزیراعظم کے مشیربرائے پارلیمانی امور ڈاکٹر بابر اعوان  کی  ملاقات ہوئی ہے،اس ملاقات میں  وفاقی وزیراسد عمراورڈاکٹرفہمیدہ مرزا  نے بھی شرکت کی۔مجلس شوریٰ پارلیمنٹ سےصدرمملکت کے خطاب قانون سازی اورنئے پارلیمانی سال کے کلینڈرسے متعلق امورپرتبادلہ خیال کیا گیا۔

ڈاکٹر بابر اعوان نے کہا ہے کہ  ‎ 13 ‎ستمبرکوپارلیمنٹ کےمشترکہ اجلاس بلایا جائے گا،صدرمملکت ڈاکٹرعلوی مشترکہ اجلاس سے خطاب کریں گے، پارلیمانی سال کا آغاز صدر مملکت کے خطاب سے ہو گا۔ نئے پارلیمانی سال کا کلینڈر تیار کر لیا گیا ہے جسے ہاؤس بزنس ایڈوائزری کمیٹی میں منظوری کے لیے پیش کیا جائے ‏گا۔

اسپیکر اسد ‏قیصر‎ ‎نے کہا کہ  موثر قانون سازی کے ذریعے ملک کو درپیش چیلنجزوں  پر قابو اور عوام کو درپیش مسائل کو حل کیا جا سکتا ہے ،چوتھے پارلیمانی سال میں زیر التواء قوانین کی منظوری اور عوامی فلاح و بہبود سے متعلق قوانین ترجیحی بنیادوں پر ‏منظوری کے لیے پیش کیے جائیں،قومی اسمبلی کے تیسرے پارلیمانی سال میں عوامی فلاح و بہبود سے متعلق متعدد بلز منظور کیے گئے،بحٹ اور عوامی اہمیت  کے حامل امور پر سیر حاصل بحث کی گئی، قومی اسمبلی کی تین سالہ کارکردگی قابل ستائش ہے جس کا کریڈٹ حکومت  اور اپوزیشن کے اراکین کو جاتا ہے۔