برطانوی وزیر خارجہ کی پاکستان آمد

تفصیلات کے مطابق دفتر خارجہ کے مطابق برطانوی وزیرخارجہ ڈومینک راب قطر سے نورخان ایئربیس پہنچے تو وہاں وزارت خارجہ کے اعلیٰ حکام اور برطانوی ہائی کمیشن کے عہدیداران نے ان کا استقبال کیا۔

برطانوی وزیر خارجہ اپنے دو روزہ دورے کے دوران اعلیٰ حکام کے ساتھ افغانستان کی صورتحال سمیت دو طرفہ تعلقات کے علاوہ باہمی دلچسپی کے امور پر تبادلہ خیال کریں گے۔

وزیر اعظم عمران خان کو بھی گزشتہ ماہ برطانوی وزیراعظم بورس جانسن کی جانب سے ٹیلی فون کیا گیا تھا جس میں دونوں رہنماؤں نے افغانستان سمیت دیگر اہم امور پر تبادلہ خیال کیا تھا۔

پاکستان اور برطانیہ حال ہی میں افغانستان میں ہونے والی پیش رفت پر باہمی رابطے میں ہیں اور دونوں ممالک کے اہم رہنماؤں نے گزشتہ ایک ماہ کے دوران متعدد مرتبہ تبادلہ خیال کیا ہے۔