لیجنڈ فٹبالر پیلے ایک بار پھر آئی سی یو میں داخل

برازیلیا: برازیل کے لیجنڈ فٹبالر پیلے کو دوبارہ ہسپتال کے آئی سی یو وارڈ میں داخل کردیاگیا ہے ۔

غیر ملی میڈیا رپورٹس کے مطابق پیلے کورواں ہفتے ہستپال کے آئی سی یو سے ڈسچارج کردیا گیا تھا تاہم سینے اور سانس لینے میں مشکلات کی وجہ سے انہیں ایک بار پھر سے آئی سی یو میں داخل کردیاگیا ہے ۔

ہسپتال حکام کا کہنا ہے کہ پیلے کا علاج جاری ہے جب کہ ان کو اب سانس لینے میں کوئی مشکل نہیں ہورہی ہے ۔

واضح رہے کہ رواں ماہ برازلین فٹبالر کی بڑی آنت میں موجود ٹیومر سرجری کی مدد سے نکال دیا گیاتھا ۔