طالبان نے اقوام متحدہ میں سہیل شاہیں کو اپنا سفیر نامزد کردیا

کابل : طالبان نے رواں ہفتے اقوام متحدہ مین عالمی رہنماؤں سے خطاب کرنے کا مطالبہ کرتے ہوئے ترجمان سہیل شاہین کو اقوام متحدہ میں اپنا سفیر نامزد کردیا ہے ۔ 

عرب میڈٰیا کے مطابق افغانستان کے وزیرخارجہ مولوی امیر خان متقی نے اقوام متحدہ کے سیکریٹری جنرل انتونیو گوتریس کو خط لکھتے  ہوئے اقوام متحدہ کی جنرل اسمبلی سے خطاب کرنے دینے کا مطالبہ کیا اور ترجمان سہیل شاہین کو افغانستان کا سفیر نامزد کیا ۔ 

عرب میڈیا کے مطابق طالبان کے وزیرخارجہ امیر خان متقی نے پیر کو اقوام متحدہ کے سیکریٹری جنرل کولکھے گئے خط میں خطاب کرنے کی درخواست کی ہے ۔ 

عرب میڈیا کے مطابق اقوام متحدہ کے سیکریٹری جنرل انتونیوگوتریس کے ترجمان نے طالبان کے وزیرخارجہ کے خط کی تصدیق کردی ہے ۔ 

اقوام متحدہ کی سیٹ کے لیے نو رکنی کمیٹی کو درخؤاست بھیج دی گئی ہے ، کمیٹی میں روس ، چین اور امریکہ شامل ہیں ۔