ایشیائی ترقیاتی بینک کی پاکستانی معیشت سے متعلق اہم پیشگوئی

ایشیائی ترقیاتی بینک (اے ڈی بی) کا کہنا ہے کہ کورونا وائرس کی وباکے دوسرے سال پاکستان میں کاروباری سرگرمیوں میں بہتری آ رہی ہے۔ اے ڈی بی کی جانب سے جاری کیئے گئے اعلامیے میں کہا گیا ہے کہ مالی سال2020-21 میں ملکی معاشی نمو3.9 فیصد تک پہنچ گئی ہے۔ اگلے سال پاکستان کی شرحِ نمو 4 فیصد تک رہنے کا امکان ہے۔  

ملکی معشیت کے حوالے سے جاری ہونے والی رپورٹ میں کہا گیا کہ اگلے سال پاکستان کی معیشت کی بحالی کا عمل جاری رہے گا۔ کاروباری بہتری اور مستحکم ویکسین پروگرام اہم کردار ادا کررہے ہیں، معاشی نمو کو کورونا کی دوسری اور تیسری لہروں پر کنٹرول کی حکمت عملی میں بہتر رہی، صنعت، تعمیرات، چھوٹی صنعتوں اور سروسز کے شعبوں میں ترقی کا رجحان ہے۔

ایشیائی ترقیاتی بینک کی رپورٹ میں کہا گیا ہے کہ اگلے سال پاکستان کی معیشت میں بہتری کا عمل جاری رہے گا،رواں سال پاکستان میں مہنگائی کی شرح کم ہو کر 8 اعشاریہ 9 فیصد ہو گئی،سپلائی چین میں خلل سےگندم اور گنے کی قیمت میں اضافہ ہوا جس  سے کھانے پینے کی اشیاء کی قیمتوں میں  بھی اضافہ ہوا ۔ رپورٹ کے مطابق پاکستان میں مون سون کی وجہ سے خوراک کی قیمتوں میں افراط زر بلند رہا، بین الاقوامی تیل قیمتوں میں اضافے نے توانائی قیمت میں افراط زر کو بڑھایا۔

Pakistan’s Economic Recovery to Continue Amid Steady Vaccine Rollout — ADB https://t.co/PzFRVsaV45 @appcsocialmedia @dawn_com @etribune @thenews_intl @brecordernews #Pakistan #ADOU #ADOUpdate2021 #economy @ReutersPakistan @eadgop

— ADBPakistan (@PakistanADB) September 22, 2021