دورہ پاکستان : ویسٹ انڈیز کی ٹیم کو بھی "جعلی  تھریٹ"  موصول، اہم انکشافات سامنے آگئے

تفصیلات کے مطابق  وفاقی وزیر اطلاعات فواد چوہدری نے کہا ہے کہ ویسٹ انڈیز کی ٹیم دسمبر میں پاکستان آرہی ہے، انکو بھی احسان اللہ احسان کے نام سے ایک تھریٹ ملا ہے، یہ پاکستان کے خلاف نہیں،  عالمی کرکٹ کے خلاف سازش ہے، آئی سی سی اور بین الاقوامی تنظیمیں اس پر کام کریں۔

فواد چوہدری نے مزید کہا   کہ نیوزی لینڈ کی ٹیم کو  دھمکیاں انڈیا سے بھیجی گئیں۔ ایک ای میل آئی ڈی حمزہ آفریدی کے نام سے بنائی گئی۔اس آئی ڈی سے پندرہ منٹ بعد ای میل کی گئی۔جس ڈیوائس سے کیوی ٹیم کو یہ ای میل کی گئی وہ ممبئی کے شہری اوم پرکاش مشرا کے زیراستعمال تھی۔

فواد چودھری نے بتایا کہ ای میل وی پی این لگا کر بھارت سےبھیجی گئی تھی۔وی پی این کی لوکیشن سنگاپور کی لگائی گئی تاکہ بھارت کی لوکیشن معلوم نہ ہوسکے۔ ہم نے معاملے پر انٹرپول سے معاونت مانگی ہے۔