2018میں ہمارے لوگوں کے منہ پر تھپڑ مارے گئے،جماعت تبدیل کرنے کا کہا گیا:مریم

تفصیلات کے مطابق مریم نوازکا کہنا ہے کہ اگر نوازشریف کا بیانیہ غلط ہے تو ٹھیک کیا ہے؟ غلط کو ٹھیک کہو،پارٹیاں توڑو،میڈیا کی زبان بندی کرو،پارلیمنٹ کی کوئی حیثیت نہ ہو،غیر متعلقہ لوگ   اسے  چلائیں،اسمبلی میں ووٹ ڈالنے کےلیے پریشرائز کیا جائے ۔

پارٹی اجلاس سے خطاب کرتے ہوئے ان کا کہنا تھا کہ ہمیں دشمن کے پروپیگنڈے کا شکار نہیں ہونا چاہیے، ڈسکہ الیکشن کے بعد ہم سرجھکا لیتے تو ہمیں اپنا حق نہ ملتا،الیکشن کمیشن اور عدالت کو ہمارا حق ہمیں دینا پڑا۔

ان کا کہنا تھا کہ وہ دن دور نہیں جب ان کے پاس امیدوار بھی نہیں  ہوں گے،ان کو حلقے میں پتھر پڑیں گے،مہنگائی،بیروزگاری،چوریاں، ڈاکے ان کی بناء پر ووٹ مانگیں گے؟ 

ان کا مزید کہنا تھا کہ معیشت کی تباہی اور پاکستان کی عزت ختم کرنے پر ووٹ مانگیں گے؟ کیا نوازشریف کےلیے کوئی اسلام آباد کے میئر کی بات کرسکتا تھا؟