وزیر اعظم سے گورنر اسٹیٹ بینک کی ملاقات

تفصیلات کے مطابق گورنر اسٹیٹ بینک نے وزیراعظم کو بریفنگ دیتے ہوئے کہا کہ مجموعی طور پر بیرونِ ملک مقیم پاکستانیوں نے اب تک 2 لاکھ چار ہزار روشن ڈیجیٹل اکاؤنٹ کھلوائے۔

بریفنگ دیتے ہوئے گورنر اسٹیٹ بینک نے کہا کہ اکاؤنٹس کی تعداد میں روزانہ کی بنیاد پر تقریباً ایک ہزار اکاؤنٹس کا اضافہ ہو رہا ہے، روشن ڈیجیٹل اکاؤنٹ میں اب تک بیرونِ ملک سے 2.3 ارب ڈالر بھیجے جاچکے ہیں۔

وزیرِ اعظم عمران خان نے کہا کہ روشن ڈیجیٹل اکاونٹ کی تعداد میں اضافہ بیرونِ ملک پاکستانیوں کے حکومت کی پالیسیوں پر اعتماد کی عکاسی کرتا ہے۔