سلامتی کونسل کا طالبان پر جامع حکومت بنانے پر زور

واشنگٹن : اقوام متحدہ کی سلامتی کونسل کے مستقل اراکین نے طالبان پر زور دیا ہے کہ افغانستان میں مشترکہ اور جامع حکومت بنائی جائے ۔ 

سلامتی کونسل کے اجلاس کے بعد سیکریٹری جنرل اقوام متحدہ انتونیو گوتریس  کا میڈیا سے گفتگو کرتے ہوئے کہنا تھا کہ سلامتی کونسل کے مستقل رکن ممالک پر ام اور مستحکم افغانستان کے خواہاں ہیں ، سلامتی کونسل افغانستان میں آسان اور بلاتفریق انسانی  امداد کی ترسیل چاہتی ہے ۔ 

سیکریٹری جنرل یو این کا کہنا تھاکہ سلامتی کونسل افغانستان میں خواتین اور لڑکیوں کے حقوق کا احترام چاہتی ہے ، افغانستان کو دہشت گردوں کی محفوظ پناہ گاہ نہ بننے دینے پر سب کا اتفاق ہو اہے ۔ 

یاد رہے کہ افغانستان کی تازہ ترین صورتحال کا جائزہ لینے کے لیے سلامتی کونسل کے مستقل ارکان کا اجلاس برطانیہ کی درخواست پر بلایا گیا تھا ۔