پاکستان بین الاقوامی ایٹمی توانائی ایجنسی کے بورڈ آف گورنرز کیلئے2 سال کی مدت کیلئے منتخب

تفصیلات کے مطابق  پاکستان بین الاقوامی ایٹمی توانائی ایجنسی کے بورڈ آف گورنرز کے لیے 2021 سے2023 کی مدت کیلئے منتخب ہوگیا ہے،بین الاقوامی ایٹمی توانائی ایجنسی کی 65 ویں جنرل کانفرنس نے پاکستان کو بورڈ آف گورنرزکیلئے منتخب کیا ۔

اعلامیہ کے مطابق  بین الاقوامی ایٹمی توانائی ایجنسی انتخابات میں پاکستان کا نام آنا ایٹمی توانائی کے پرامن استعامل کیلئے پاکستانی کاوشوں کا اعتراف ہے،35 رکنی بورڈ آف گورنرز کی ٹیم میں یہ ایک اہم ترین عہدہ ہے،  بورڈ آف گورنرز رکنیت کے لیے درخواستوں پر غور کرتا ہے۔

جاری اعلامیے کے مطابق  پاکستان بین الاقوامی ایٹمی توانائی ایجنسی کابانی اور بنیادی رکن ہے، پاکستان  بورڈ آف گورنرز کے کام اور ایجنسی کے کام کے تمام پہلوؤں پر اس کے مباحثوں میں فعال اور تعمیری کردار اداکررہاہے۔