آسٹریلوی کرکٹر عثمان خواجہ کا پاکستان کے کرکٹ ٹورز ختم ہونے پر غم و غصے کا اظہار 

تفصیلات کے مطابق آسٹریلوی کرکٹر کا کہنا ہے کہ پیسہ بولتا ہے اور غالبا یہی اس کی سب سے بڑی وجہ ہے پاکستان نے پی ایس ایل ایونٹس کے انعقاد سے ثابت کیا ہے کہ وہ محفوظ جگہ ہے ایسی کوئی وجہ نہیں ہے کہ وہاں نہ جایا جائے ۔

عثمان خواجہ کا کہنا تھا کہ پاکستان میں سخت سیکورٹی کے انتظامات کئے جاتے ہیں،میں نے اس کے علاوہ کچھ نہیں سنا کہ لوگ وہاں محفوظ ہیں۔

ان کا کہنا تھا کہ پاکستان کے ٹورز کو ختم نہیں کرنا چاہئے ،عثمان خواجہ نے ٹور ختم ہونے کو دھرا معیار قرار دیا اور منی ٹاکس سے جوڑ دیا ،انہوں نے کہا کہ کرکٹ کے لحاظ سے  یہ صورتحال انتہائی مایوس کن ہے ۔

ان کا مزید کہنا تھا کہ کھلاڑیوں اور آرگنائزرز کے لئے پاکستان کو نو کہنا آسان ہے کیونکہ یہ پاکستان ہے میں سمجھتا ہوں کہ یہ بالکل بنگلہ دیش پر بھی لاگو ہونا چاہیے ۔