انعام بٹ  کو رومانیہ میں ہونے والی ورلڈ ریسلنگ سریز کیلئے ویزہ مل گیا

تفصیلات کے مطابق انعام بٹ پہلوان کو رومانیہ میں ہونے والی ورلڈ ریسلنگ سریز کے لیے ویزہ مل گیا  ہے، رستم پاکستان انعام بٹ اور زمان انور پہلوان آج رات رومانیہ روانہ ہو نگے، انعام بٹ اور زمان انور پہلوان اپنی اپنی آخری ٹریننگ کرنے میں مصروف  ہیں ۔انعام بٹ پہلوان رومانیہ میں ہونے والے مقابلوں میں گولڈ میڈل کا دفاع کر یں گے۔

خیال رہے کہ  ورلڈ ریسلنگ  مقابلے 25 اور 26 دسمبر کو رومانیہ میں ہو نگے۔انعام بٹ پہلوان اس سے قبل بھی دو گولڈ جیت کر پاکستان واپس آئے تھے۔

انعام بٹ نے اٹلی اور یونان کے مرحلے میں گولڈ میڈل جیتا تھا ۔ زمان انور نے بیچ ریسلنگ ورلڈ سیریز کے لئے برانز میڈل جیتا تھا ۔

انعام بٹ نے کہا ہے کہ   ایونٹ کے لئے تیاری بھرپور ہے گولڈ میڈل ہدف ہے،   توقعات پر پورا اتروں گا سب سے دعاوں کی درخواست ہے ۔

یاد رہے کہ انعام بٹ نے اٹلی اور یونان کے مرحلے میں گولڈ میڈل جیتا تھا، زمان انور بیچ ریسلنگ ورلڈ سیریز میں پاکستان کے لیے برانز کا تمغہ جیت چکے ہیں۔