پاکستان ویمنز ٹیم میں گروپنگ ، چیف سلیکٹرز کے سامنےکھلاڑی پھٹ پڑیں

ذرائع کے مطابق پاکستان ویمنز ٹیم میں گروپنگ ، کھلاڑی پھٹ پڑیں۔کپتان کے خلاف چیف سلیکٹر کے سامنے شکایات کے انبار لگا دیے گئے۔نیشنل اسٹیڈیم کراچی میں ہونیوالی میٹنگ میں خوب گرما گرمی ہوئی۔

ذرائع کا کہنا ہے کہ وکٹ کیپر سدرا نواز نے شکوہ کیا کہ  کپتان 2 تین کھلاڑیوں کے سوا بات نہیں کرتی ،  ٹیم میں لگتا ہے گروپنگ ہے ۔ندا ڈار نے کہا کہ  جنوبی افریقہ کیخلاف میں نے ففٹی بنائی ، کپتان کو پسند نہ آئی،  کپتان نے کھلاڑیوں کو تالیاں بجانے سے منع کردیا ۔ 

ذرائع کے مطابق  کھلاڑی ندا ڈار نے کپتان جویریہ کا ہاتھ تھاما تو جویریہ نے میٹنگ میں ہاتھ جھٹک دیا۔چیف سلیکٹر عروج ممتاز نے گرما گرمی ختم کروائی اور کھلاڑیوں کو اپنے اختلافات ختم کرنے کی ہدایت کی۔

ذرائع نے بتایا ہے کہ چیف ایگزیکٹو وسیم خان نے کھلاڑیوں کی تنخواہوں میں اضافہ جیت سے جوڑ دیا،  وسیم خان نے پاکستان ٹیم کی پرفارمنس پر مایوسی کا اظہار کیا۔