سعودی عرب کے آن لائن پلیٹ فارم " توکلنا" میں اہم تبدیلی

جدہ : سعودی عرب میں استعمال ہونے والے بڑے آن لائن پلیٹ فارم توکلنا میں اہم تبدیلی کردی گئی ہے ۔ 

عرب میڈیا کی رپورٹ کے مطابق توکلنا ایپ انتظامیہ نے اپڈیٹ کے ذریعے اپنے پلیٹ فارم پر استشنیٰ کا سٹیٹس شامل کیا ہے ۔  یہ سٹیٹس ان افراد کے لیے خاس ہے جنہیں وزارت صحت نے کورونا ویکسین سے اسشنیٰ دے رکھا ہے ۔ 

انتظامیہ کا کہنا ہے کہ استثنیٰ کا سٹیٹس حاصل کرنے کے لیے وزارت صحت سے رجوع کرنا ضروری ہے ۔ اس حوالے سے توکلنا نے یہ بھی بتایا ہے کہ وزارت صحت ایسے افراد کے خصوصی حالات کا طبی نکتہ نظر سے جائزہ لینے کے بعد فیصلہ کرے گی  آیا وہ ویکسین سے استثنیٰ حاصل کرنے کے اہل ہیں یا نہیں ہیں ۔ 

دوسری جانب سعودی وزارت صحت کے ترجمان ڈاکٹر محمد العبد العالی نے کہا ہے کہ استثنیٰ کا سٹیٹس چند محدود افراد کو ہی فراہم کیا جاتا ہے مملکت میں تمام ویکسین محفوظ ہیں ۔