امریکہ میں اسرائیل کے آئرن ڈوم کے لیے ایک ارب ڈالر کی منظوری

واشنگٹن : امریکی ایوان نمائندگان نے اسرائیل کو آئرن ڈوم میزائل سسٹم کو جدید بنانے کے لیے ایک ارب ڈالر فراہم کیے جانے کے حق میں ووٹ دیا ہے۔

دو دن قبل ہی کانگریس میں اسرائیل کے متنازع آئرن ڈوم کی فنڈنگ کے حوالے سے اعتراضات اٹھانے کے بعد بل کو انتہائی اکثریت سے منظور کرلیاگیا ۔ 

ایوان نمائندگان میں بل کے حق میں 420 ووٹ اور مخالفت میں 9 ووٹ ڈالے گئے ۔ مخالفت میں 8 ڈیموکریٹس اور ایک ریپبلیکن  نے ووٹ ڈالا اس موقع پر 2 ارکان غیر حاضر رہے ۔ 

اس  بل کی منظوری کے بعد بل سینیٹ میں بھیج دیا گیا تاہم سینیٹ میں رائے شماری کی تاریخ کا اعلان نہیں کیا گیا ۔ تاہم کچھ لبرل ڈیموکریٹس کی جانب سے بل کی ایک شق کو ویٹو کیا گیا ہے اور کہا گیا ہے کہ اگر وہ شق بل میں شامل کی گئی تو وہ بل کی مخالفت کریں گے ۔