وزیر خارجہ کااقوام متحدہ کی سلامتی کونسل کومزید شفاف،موثر بنانے پرزور

تفصیلات کے مطابق وزیر خارجہ نیو یارک میں جنرل اسمبلی کے 76 ویں اجلاس کے موقع پر اقوام متحدہ کی سلامتی کونسل میں اصلاحات کے بارے میں UNITING FOR CONSEHSUS GROUP کے وزراء اجلاس سے خطاب کر رہے تھے۔ انہوں نے اس بات پر زور دیا کہ سلامتی کونسل میں اصلاحات کا فیصلہ اتفاق رائے سے کیا جائے اور اقوام متحدہ کے رکن ممالک کی نمائندگی کو بڑھایا جائے۔انہوں نے کہا کہ غیر مستقل ارکان کی تعداد میں اضافے اور جموری انتخابات کے ذریعے ایک بعد دوسرے ملک کو موقع دینے کے ایک قابل قبول لائحہ عمل کے ذریعے ہی سلامتی کونسل میں تمام ملکوں کو مساوی بنیادوں پر نمائندگی فراہم کی جا سکتی ہے۔

وزیر خارجہ نے کہا کہ کچھ ملکوں کی جانب سے استحقاق کے نئے مراکز بنانے کی کوششوں سے اصلاحات کا عمل پٹڑی سے اتر سکتا ہے جبکہ تقسیم میں اضافہ ہو گا۔انہوں نے اس بات پر زور دیا کہ رکن ممالک کو ضروری وقت اور ماحول فراہم کیا جانا چاہئے تاکہ وہ اقوام متحدہ کے تمام ارکان کے لئے قابل قبول حل تلاش کر سکیں۔ انہوں نے کہا کہ صرف UFC کا اصولی موقف ہی سلامتی کونسل کی اصلاحات کا عملی حل پیش کرتا ہے۔