ایف سی بلوچستان کا  خاران میں خفیہ آپریشن  ، 6 دہشت گرد ہلاک

پاک فوج کے شعبہ تعلقات  عامہ (آئی ایس پی آر ) کی جانب سے جاری کردہ بیان کے مطابق  خاران میں خفیہ اداروں کی جانب سے دہشت گردوں کی موجودگی کی تصدیق پر ایف سی بلوچستان ساؤتھ  نے  آپریشن کیا،ایف سی کے محاصرے پر دہشتگردوں نے فرار کیلئے فائرنگ شروع کردی ۔

 آئی ایس پی آر کے مطابق فائرنگ کے تبادلے میں 6 دہشتگرد ہلاک ہوگئے ہیں ،مارے گئے دہشتگردوں میں دہشتگرد کمانڈر گل میر اور کلیم اللہ بھی شامل تھے ۔

ترجمان پاک فوج کا کہنا ہے کہ  دہشتگردوں کے ٹھکانے سے بھاری مقدار میں اسلحہ اور گولیاں بھی برآمد ہوئی ہیں ۔