سستی بجلی کی طرف  ایک  اہم قدم، طویل المدتی منصوبہ بندی  ( آئی جی سیپ )کی منظوری 

نیشنل الیکٹرک پاور ریگولیٹری اتھارٹی  (نیپرا) کے مطابق  10 سالہ منصوبہ بندی کو بجلی کی طلب کے حساب سے ہر سال نظر ثانی کی جائے گئی،آج کا دن تاریخی ہے کہ مستقبل میں سائنسی بنیادوں پر طلب ورسد کی پروجیکشن دیکھ کرمسابقتی بنیادوں پرسستی    بجلی پیدا کی جائے گئی،اس پلان کی منظوری کے بعد بجلی کی پیداوار  درآمدی  وسائل  کے بجائے مقامی  وسائل سے کی جائے گی۔

 نیپرا کا کہنا ہے کہ  مستقبل میں فرنس آئل سے بجلی   کی پیداوار 19سے  کم ہو کر صرف 2  فیصد رہ جائے گی،آر ایل این جی سے پیداوار 17   سے کم ہو کر 11 فیصد ہو جائے گی،درآمدی کوئلے سے پیداوار 11 فیصد سے کم ہو کر 8 فیصد ہو جائے گی،آئی جی سیپ سے 2030 تک قابل تجدید توانائی سے  بجلی کی پیداوار 60 فیصد سے زائد ہو جائے گی۔

 نیپرا  کے مطابق  اتھارٹی  آئی جی سیپ کی منظوری میں مشترکہ مفاداتی کونسل کی کاوشوں کو بھی سراتی ہے،اتھارٹی این ٹی ڈی سی کے پلاننگ ڈیپاٹمنٹ کے  نوجوان انجئنیرز، وزارت توانائی  اور تمام اسٹیک ہولڈرزکی کاوشوں کو تسلیم کرتے ہوئے انہیں آئی جی سیپ کی منظوری پر مبارکباد دیتی ہے۔