بھارتی میڈیا کے مطابق جے پور میں نئے کیسز رپورٹ ہونے کے بعد بھارت میں اومی کرون ویرینٹ کےکیسز کی تعداد21 ہوگئی ۔ جےپور میں اومی کرون سے متاثر ہونے والے افراد حال ہی میں جنوبی افریقا سے  شادی میں شرکت کرنے پہنچے تھے ۔

8 2نومبر کو ہونے والی شادی میں کم از کم 100 افراد نے شرکت کی تھی، لیکن راجستھان کے صحت کے حکام اب تک صرف 34 کے نمونے جمع کر سکے ہیں۔

دوسری جانب نئی دلی میں بھی ایک کیس رپورٹ ہوا ہے، نئی دلی میں اومی کرون ویرینٹ پازیٹو شخص تنزانیہ سے واپس لوٹا تھا۔

بھارتی میڈیا کا کہنا ہے کہ ریاست مہاراشٹرا میں اومی کرون ویرینٹ کے 8 کیسز رپورٹ ہوچکے ہیں  اور بھارتی ریاست گجرات میں اومی کرون ویرینٹ کا ایک کیس رپورٹ ہوچکا ہے۔

بھارتی  وزارت صحت کا کہنا ہے کہ بھارت میں گزشتہ روز کورونا کے 8 ہزار 306 کیس رپورٹ ہوئے جبکہ کورونا سے 211 افراد جان سے ہاتھ دھو بیٹھے ہیں ۔ 

یاد رہے کہ عالمی ادارہ صحت  نے کہا ہے کہ اس نے کورونا وائرس کی نئی قسم 'اومی کرون' کے کیسز دنیا کے 38 ممالک میں سامنے آئے ہیں تاہم اس سے کوئی ہلاکت رپورٹ نہیں یوئی ہے۔

ڈبلیو ایچ او کا کنہا ہے کہ  وہ تشویش کا باعث بننے والے ویریئنٹ کے بارے میں شواہد اکٹھے کر رہا ہے کیونکہ دنیا بھر کے ممالک اسے پھیلنے سے روکنے کی کوشش کر رہے ہیں۔

لاہور: پاکستان کرکٹ بورڈ کے چیئر مین رمیز راجہ نے اعلان کیا ہے کہ شائقین کرکٹ کو پی ایس ایل پوری تعداد میں دیکھنے کی اجازت ہو گی۔ 

چیئرمین پاکستان کرکٹ بورڈ رمیز راجہ نے سماجی رابطے کی ویب سائٹ ’ٹوئٹر‘ پر جاری کردہ بیان میں کہا ہے کہ 12 سال سے زائد عمر کے شائقین کرکٹ کو پوری تعداد میں سٹیڈیم آنے کی اجازت ہو گی۔چیئرمین پی سی بی کے مطابق پی ایس ایل 7 اورغیر ملکی ٹیموں کے میچز کے دوران ویکسی نیٹڈ افراد کو سٹیڈیم میں آنے کی اجازت ہوگی۔ چیئرمین پی سی بی رمیز راجہ نے شائقین کرکٹ سے کہا ہے کہ وہ فوری طور پر اپنی کورونا ویکسینیشن مکمل کرالیں۔

So you heard it boys and girls: a full house has been allowed for fully vaccinated fans and so if you are 12 and over, and want to be part of our best season for years inshallah starting with WI followed by PSL , Aus, England and NZ , please get COVID vaccination done.

— Ramiz Raja (@iramizraja) December 5, 2021

تفصیلات کے مطابق نیشنل کمانڈ اینڈ آپریشن سینٹر کےسربراہ اسد عمر کی سربراہی میں این سی او سی کا اجلاس ہوا جس میں کورونا کی صورتحال ، فضائی سفر اور کیٹیگری سی لسٹ کا جائزہ لیا گیا۔

 این سی او سی کے مطابق کیٹیگری سی ممالک کی لسٹ 7 سے بڑھا کر 15 کر دی گئی ہے جس میں جنوبی افریقا، نیدرلینڈز، ہنگری،آئرلینڈ ، کروشیا، سلووینیا، ویتنام، پولینڈ، موزمبیق، لیسوتھو، ایسواتینی، بوٹسوانا، زمبابوے اور  نمیبیا شامل ہیں۔

این سی او سی کے مطابق کیٹیگری سی ممالک سے پاکستان آنے پر مکمل پابندی ہوگی اور ان ممالک  سے صرف بے حد اشد سفر خصوصی اجازت پر ہی ہوسکے گا جبکہ  کیٹیگری سی ممالک سے پاکستان کے لیے سفر خصوصی کمیٹی سے استثنیٰ سرٹیفکیٹ کے بعد ممکن ہوگا۔

این سی او سی کے مطابق پاکستان آنے والے تمام مسافروں کے لیے ویکسی نیشن لازمی ہوگی جب کہ 6 سال اور  زائدعمر کے پاکستانیوں، غیرملکیوں کے لیے پی سی آر ٹیسٹ لازمی ہوگا، بورڈنگ سے 48 گھنٹے پہلےکیاگیا پی سی آرٹیسٹ دکھانا لازمی ہوگا۔

این سی اوسی نے بالواسطہ پروازوں کے ذریعے اومی کرون  ویرینٹ کے  بچاؤ کے لیے سعودی عرب، متحدہ عرب امارات اور قطر کے راستے آنے والی ٹرانزٹ پروازوں کی آمد پر 100 فیصد ریپڈ اینٹیجن ٹیسٹ کی پابندی عائد کر دی ہے۔

دوسری جانب  امریکہ، جاپان، انڈونیشیا، سعودی عرب سمیت دنیا کے متعدد ممالک نے کووڈ 19 کی نئی قسم اومیکرون کے باعث سفری پابندیوں میں سختیوں کا اعلان کیا ہے ۔