حکومت نے نئے گھریلو گیس کنکشنز پر پابندی عائد کردی

اسلام آباد: وفاقی حکومت نے نئے گھریلو گیس کنکشنز پر پابندی لگا دی ہے۔

 وزیر توانائی حماد اظہر نے کہا  ہےکہ گیس کا پرائسنگ میکنزم لارہے ہیں اور اس کے لیے قانون سازی کریں گے۔ جب تک نیا گیس پرائسنگ میکینزم نہیں آتا گھریلو گیس کنکشن پر پابندی لگارہے ہیں،

 گیس کنکشن پر پابندی سوئی ناردرن اور سدرن دونوں کے لیے ہوگی۔ قانون سازی کے بغیر کمپنیوں کو سالانہ 35 سے 40 ارب روپے نقصان ہوتا ہے۔ گھریلو صارفین کو درآمدی گیس دی جائے گی۔

واضح رہے کہ پٹرولیم مصنوعات کی قیمتوں مییں ہوشربااضافہ کردیا گیا۔ وزارت خزانہ نے پیٹرولیم مصنوعات کی قیمتوں میں اضافے کا اعلامیہ جاری کر دیا،  حکومت  نے پٹرول کی قیمت میں10روپے49 پیسے فی لٹر اضافہ کردیا جس کے بعد پٹرول کی فی لٹر قیمت 137 79 پیسے مقرر کی گئی ہے ۔  

اعلامیہ کے مطابق ہائی سپیڈ ڈیزل کی قیمت میں 12روپے44 پیسے اضافہ کردیا گیا  ہے ۔ 

پیٹرولیم مصنوعات کی قیمتوں کے اعلامیہ کے مطابق مٹی کا تیل 10 روپے 95 پیسے مہنگا کیا گیا جس کے بعد مٹی کےتیل  کی قیمت 110روپے26 پیسے ہوگئی جبکہ لائٹ ڈیزل آئل 8 روپے 84 پیسے اضافہ کیا گیا ہے۔