ٹی 20 ورلڈ کپ کیلئے کمنٹری پینل کا اعلان

تفصیلات کے مطابق آئی سی سی کےٹی20 ورلڈ کپ کیلئے اعلان کردہ کمنٹری پینل میں انجم چوپڑا، ، اطہر علی خان، ایم مانگوا، پریسٹن مومسن، ڈینی موریسن، نیل او برائن، مارک نکولس اور ایلن ولکنس کو شامل کیا گیا ہے۔

آئی سی سی کے ورلڈ کپ کمنٹری پینل میں ویسٹ انڈیز کے سابق کپتان ڈیرن سیمی،سابق جنوبی افریقی کرکٹر ڈیل اسٹین، سابق آسٹریلین کرکٹر شین واٹسن، ناصر حسین، ، مائیکل ایتھرٹن کو بھی شامل کیا گیا ہے۔

پاکستان کی جانب سے کمنٹری پینل میں سابق کرکٹر بازید خان کو شامل کیا گیا ہے۔

آئی سی سی کے کمنٹری پینل میں بھارت کے ہرشا بھوگلے، سابق ٹیسٹ کرکٹر سینل گواسکر کو بھی شامل کیا گیا ہے۔ 

ان کے علاوہ سابق ویسٹ انڈین کرکٹر این بشپ، نتالی جرمانوس، نیوزی لینڈ کے سائمن ڈول اور سری لنکا کے رسل آرنولڈ بھی شامل ہیں۔