نائیجیریا : مسجد میں مسلح افراد کی  فائرنگ ، 18 نمازی شہید 

خبر ایجنسی کے مطابق   مسلح افراد نماز فجر کے وقت مسجد میں داخل ہوئے اور ادائیگی نماز کےدوران وہاں موجود افراد پر  اندھا دھند فائرنگ کردی ۔ جس کے نتیجے میں 18 نمازی جان سے ہاتھ دھو بیٹھے جبکہ  20 زخمی ہو ئے ہیں ۔ خبر ایجنسی کے مطابق عینی شاہد کا کہنا ہے کہ   10 افراد کو اغوا بھی کیاگیاہے ۔

نا ئیجر کی ریاستی پولیس کے ترجمان نے فوری طور پر  بیان دینے سے  انکار کردیا ۔ تاہم ان کا کہنا ہے کہ اس تنازعہ میں پھنسے ہوئے کچھ مقامی ہاؤسا کا شتکاری برادریوں کے خلاف ہتھیار اٹھا لیے ہیں ۔ 

نائیجریا میں نسلی تشدد کی وجہ سے اس سال اب تک سیکڑوں افراد ہلاک ہو چکے ہیں ، پانی اور زمین پر دہائیوں سے تنازعات جاری ہیں ۔ مسلح ڈاکوؤں نے اس سال شمال مغربی نائیجیریا میں سینکڑوں افراد کو اغوا یا قتل کیا ہے۔ نائجر کی ریاست اور مقامی حکومت کے اہلکاروں  کا اس حوالے سے کہنا ہے کہ اسلامی عسکریت پسند گروپ  نے ریاست میں متعدد کمیونٹیز پر قبضہ کر لیا ہے۔ 

تازہ ترین حملہ نائجیریا کے شمال مغربی اور وسطی علاقوں میں زیادہ تر ریاستوں میں سیکورٹی کی مخدوش صورتحال کی ایک اور مثال ہے۔ خاص طور پر شمال مغرب میں مہلک تشدد میں اضافہ دیکھا گیا ہے۔