چین میں کورونا پھرسراُٹھانےلگا، بڑی پابندیاں عائد 

غیر ملکی میڈیا رپورٹ کے مطابق چین میں کرونا وبا میں اضافہ ہوا ہے، جس کے بعد 4ملین آبادی کے  لانژو شہر میں لاک ڈاؤن لگادیا گیا ہے، متاثرہ علاقوں میں اسکول اور سیاحتی مقام بند کردیئے گئے  ہیں جبکہ پروازیں، ٹرینیں اور بس سروس  بھی معطل کی جاچکی ہے۔

اے ایف پی کی رپورٹ کے مطابق چین میں کورونا کے 29 کیسز رپورٹ ہوئے جس میں سے 6 لانژو شہر میں  رپورٹ ہوئے تھے ۔ 

چین کے دارالحکومت بیجنگ میں بھی کرونا پابندیاں سخت کردی گئیں ہیں اور لوگوں کو  شہر نہ  چھوڑنے کی ہدایت کی گئی ہے۔ صحت حکام نے چار نئے کیسز سامنے آنے پر بڑے پیمانے پر کورونا ٹیسٹنگ کا فیصلہ کیا تھا، جس کے بعد بیجنگ میں کرونا ٹیسٹ کیلئے سینٹرز کے باہر قطاریں لگ گئیں ۔

حکام کا کہنا ہے کہ کوونا کی نئی وبا ڈیلٹا ویرئنٹ میں تغیر پزیری کے باعث  وجود میں آئی ہے ۔  چین میں اس وقت کرونا کے ایکٹو کیسز 603 ہیں ، جن میں سے 582 میں وائرس کی ہلکی علامات ہیں جبکہ 21 افراد کی حالت تشویشناک ہے۔

یاد رہے کہ2019 میں  دنیا بھر میں کورونا کے سب سے پہلا کیس چینی شہر ووہان میں رپورٹ ہوا تھا ۔