لوگوں کو نماز کی طرف بلاتے مؤذن خود جنت سدھار گیا

میڈیا رپورٹس کے مطابق المنوفیہ گورنری میں الباجور مرکز کے علاقے میں ایک بزرگ مؤذن الحاج حسنی نماز فجر کی اذان دیتے ہوئے ’حی علی الصلواۃ‘ کے الفاظ پر رک گئے اور بقیہ اذان مکمل نہیں کی۔ جس کے بعد معلوم کرنے پر پتا چلا کہ ان کی روح پرواز کر چکی تھی۔

ان کے  بیٹے محمود حسنی نے بتایا کہ ان کے والد کئی سال سے قریبی مسجد میں رضا کارانہ طورپر اذان دیتے تھے۔ محمود نے بتایا کہ معمول کے مطابق وہ فجر کی نماز کی اذان کے لیے گھر سے وضو کرکے نکلے۔

انہوں نے اذان شروع کی۔ تاہم جب درمیان میں  خاموشی چھا گئی۔  ہم لوگ مسجد کی طرف دوڑے تاکہ اذان ادھوری رہنے کی وجہ  معلوم کریں۔ جب ہم مسجد میں داخل ہوئے تو والد صاحب قبلہ رخ ہوکر مسجد کے فرش پر لیٹے ہوئے تھے اور ان کی روح پرواز کر چکی تھی۔