حکومت کی رٹ اور امن وامان کو قائم رکھا جائے گا،شیخ رشید

تفصیلات کے مطابق  آج قومی سلامتی کمیٹی کا اہم اجلاس ہوا، اجلاس کی صدارت عمران خان نے کی، اجلاس میں ملکی صورتحال اور امن امان کا معاملہ زیر بحث رہا، اجلاس میں چارو فورسز کے چیف شامل تھے۔

وزیر داخلہ شیخ رشید  نے  نیوز کانفرنس میں کہا کہ  حکومت کی رٹ اور امن امان کو قائم رکھا جائے گا، مزاکرات کا معاملہ بھی اجلاس میں زیر بحث آیا، آج بھی شام میں ہم مزاکرات کریں نور الحق قادری بھی ہو گے، پنجاب پولیس کو رینجرز کے ماتحت کر دیا ہے، پنجاب حکومت رینجرز کے حوالے سے فیصلہ کرے گی۔

وزیر داخلہ کا کہنا تھا کہ  اب تک چار پولیس اہلکار شہید ہوئے ہیں،  80سےزائدپولیس اہلکار ابھی تک شدید زخمی ہیں، ایسی فورس پر گولیاں چلائی گئیں ہیں جس کے پاس شیل اور لاٹھیاں تھیں۔انہوں نے کہا کہ  ہم اپنے وعدے پر قائم ہیں لیکن ٹی ایل پی نے اپنے وعدے مطابق جی ٹی روڈ نہیں کھولا، شام میں جو بھی مزاکرات ہوں گے اس حوالے سے آپکو آگاہ کیا جائے گا۔

وزیر داخلہ شیخ رشید نے مزید کہا کہ  کل یا پرسوں عمران خان قوم سے خطاب کریں گے،  جو عمران خان کا مؤقف ہو گاوہی حکومت کا ہو گا۔ ہم نے 38 لوگوں کا ریکارڈ حاصل کیا ہے، بھارت،ہانگ کانگ ،امریکااور برطانیہ سےواٹس ایپ پر کام کیا جا رہا ہے، میں سوشل میڈیاکالیڈرنہیں ۔ان کا مزید کہنا تھا کہ  ہم چاہتےہیں قومی نقصان نہ ہو،دونوں طرف سےجانیں بہت  عزیزہیں،  سعدرضوی سے بات چیت جاری ہے، ہم چاہتے ہیں معاملات خوش اسلوبی سے حل ہوں۔